Ndërtimin e bibliotekës, qendrave kulturore dhe rinore në Çair e pengon ndryshimi i planit urbanistik

Banorët e Komunës së Çairit, thuajse një vit presin fillimin e projekteve të premtuara për bibliotekën komunale, shtëpinë e kulturës ose qendrën rinore, megjithatë Visar Ganiu i ka duart e lidhura pasi që nuk është ndryshuar plani urbanistik.

Pengesa për realizimin e projekteve madhore në Komunën e Çarit është procedura e planit urbanistik, i cili duhet ndryshuar dhe siç duket kjo do të zgjat për një kohë. Kryetari i komunës së Çairit, Visar Ganiu në intervistën e tij për Portalb.mk tha se pa u përfunduar ndryshimi i planit urbanistik projektet e premtuara nga vet ai nuk mund të fillojnë që të realizohen.

Zëdhënësi i komunës, Kushtrim Alla thotë për Portalb.mk se procedurat për ndryshimin e planit urbanistik në këtë komunë tani më kanë filluar.

“Procedurat për ndryshimin e planit urbanistik në lagjen Seravë nga të cilat varet edhe realizimi i disa projekteve madhore ka filluar. Operatori ekonomik i përzgjedhur pas realizimit të procedurës ligjore për furnizime publike po i zbaton të gjitha detyrimet ligjore për zbatimin e ndryshimeve”, tha për Portalb, Alla.

Kurse sa i përket afatit të përfundimit të procedurave, Alla tha se varet nga miratimi i ndryshimeve edhe nga ana e organeve adekuate shtetërore që duhet të japin lejen.

“Sa i përket afatit të përfundimit të këtyre procedurave, ai varet nga miratimi i ndryshimeve edhe nga ana e organeve adekuate shtetërore që duhet të japin lejen. Në momentin që do të përfundojë procesi i iniciuar do t’ju informojmë”, tha Alla.

Disa nga projektet të cilat nuk mund të realizohen pa u bërë ndryshimi i planit urbanistik janë edhe ndërtimi i bibliotekës komunale, shtëpisë së kulturës ose qendrës rinore, të cilat do të realizohen me buxhetin komunal.

“Biblioteka komunale, Shtëpia e kulturës ose Qendra rinore do të bëhen me buxhetin e vetë komunës. Ato janë lidhur me afate për procedurat sepse duhet të bëhet ndërrimi i planit urbanistik për të cilin është angazhuar agjencia”, tha Ganiu në intervistën për Portalb.mk.

Nga ana tjetër banorët e kësaj komune pothuajse një vit presin fillimin e një prej projekteve madhore që u premtua nga kjo komunë, por si duket duhet të presin ende që një projekt i tillë të fillon dhe me shpresë të përfundojë gjatë mandatit të kryetarit aktual.

Ndërkaq kryetari i komunës së Çairit, Visar Gani gjatë fushatës së tij parazgjedhore premtoi shumë gjëra lidhur me përmirësimin e kushteve të kësaj komune, e cila për vite të tëra është lënë në mjerim dhe në kaos të vërtetë.

Intervistë me kryetarin e Komunës së Çairit, Visar Ganiu: realizimi i disa projekteve, nuk varet nga ne (VIDEO)

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP