Në Norvegji shtohet numri i marinsave amerikane

Shtetet e Bashkuara do të dyfishojnë numrin e marinsave në Norvegji, ka njoftuar ministria e Mbrojtjes së këtij vendi, transmeton Reuters, transmeton REL.

Planet për rritje të numrit të trupave në Norvegji nga 330 në 700 si dhe bartjen e disa prej tyre afër kufirit me Rusinë kanë nxitur reagim të ashpër nga Moska, e cila i ka cilësuar planet “qartazi armiqësore”.

Qeveria në Oslo, e shqetësuar pas vendimit të Rusisë për të aneksuar Krimenë më 2014, ka insistuar se prezenca në rritje e trupave amerikane ka vetëm qëllime të stërvitjes dhe nuk duhet të interpretohet si përshkallëzim ushtarak.

Marinsat ishte planifikuar të largoheshin nga Norvegjia në fund të këtij viti, pasi trupat e parë kishin arritur në këtë shtet më 2017 për t’u stërvitur rreth luftimeve në kushte të motit të ftohtë.

Ata përbëjnë trupat e parë të pozicionuar në Norvegji nga Lufta e Dytë Botërore.

Ministrja e Jashtme norvegjeze, Ine Eriksen Soereide, u ka thënë më herët gazetarëve se vendimi nuk nënkupton krijim të bazës së përhershme amerikane dhe se nuk shënjestron Rusinë.

Lajme të ngjashme

Leave a Reply

Your email address will not be published. Required fields are marked *

Back to top button