Universitet e Maqedonisë askund të listën e Shangait

Universitetet e Maqedonisë edhe këtë vit nuk janë ranguar në listën e Shangait, ku rreshtohen universitetet më të mira Botërore. Lista e rangimit akademik të 1000 universiteteve më të mira botërore për vitin 2018 është publikuar. Në vendin e parë 16 vjet me radhë gjendet Universiteti i Harvardit, në të dytin Stendford nga SHBA, ndërkaq në vendin e tretë Universiteti i Britanisë, Kembrixh, njofton Portalb.mk.

Pas Kembrixhit, universitetet më të mira janë MIT, Berkli, Priston, Oksford, Kolumbia, Kalteç dhe Çikago.

Universiteti i Cirihut, i cili është në vendin e 19-të, ngelet i ranguar si universiteti më i mirë në Evropë, i ndjekur pas Universitetit Kopenhagës, i cili në listën botërore gjendet në vendin e 29.

Universiteti në vendin e tretë në Evropë është i Sorbonës, i cili është në vendin e 36 në listën universiteteve botërore.

Nga vendet e rajonit, universitetet më të mira janë i Beogradit dhe i Athinës, të cilët janë mes vendeve 300 dhe 400, ndërkaq ai i Lublanës, Selanikut “Aristotel” dhe Universiteti Teknik i Athinës janë në grupin mes vendeve 400 dhe 500.

Universiteti në Maribor dhe Universiteti i Zagrebit janë mes vendeve 500 dhe 600, ndërkaq i Sofjes mes 900 dhe 1000.

Listën e Shangait çdo vit e publikon universiteti Ciao Tong nga Shangai dhe është njëra ndër listat më kredibile e cila vlerëson institucionet e larta arsimore.

Kritere kyçe për rangim të universiteteve, mes tjerash janë, numri i publikimit të punimeve shkencore në revistat ndërkombëtare, por edhe numri i fitimit të Çmimit Nobel.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP