Për shkak të festivalit “Sunny Hill”, linja 4 punon deri në orën 02:00
Festivali “Sanny Hill”, në skenën e së cilit sonte do të ngjitet ylli shqiptar i muzikës me prejardhje nga Prishtina, Dua Lipa, ka bërë që të zgjatet orari i transportit publik të Linjës 4.
Lajmin e ka bërë me dije kryetari i Pishtinës, Shpend Ahmeti, njofton Koha.net.
“Për shkak të festivalit Sunny Hill, transporti publik në linjën 4 zgjatet deri në ora 02:00 pas mesnate deri të dielën!”, ka shkruar Ahmeti.
Transporti privat drejt parkut nacional të Gërmisë sonte është i ndaluar për shkak të koncertit. Linja 4 përshkon qytetin e Prishtinës nga Bregu i Diellit deri në Gërmi.
