Në Bjellorusi janë liruar gazetarët e arrestuar

Të gjithë gazetarët, të burgosur gjatë kësaj jave në aksionin e madh të policisë kundër mediave të pavarura në Bjellorusi, sot janë liruar.

Autoritetet e Bjellorusisë ngritën hetim kundër disa mediave të caktuara nën akuzë se kishin shfrytëzuar përmbajtje nga agjencia shtetërore e lajmeve BELTA pa pasur parapagim, me ç’rast është kryer bastisje në disa redaksi dhe ishin arrestuar gjithsej 13 gazetarë.

“Qëllimi kryesor i shefave të shërbimeve për siguri është që t’i frikësojnë njerëzit dhe ta përforcojnë autocenzurën, që plotësisht t’i kontrollojnë mediat”, deklaroi analisti politik i portalit “BelaPan”, Aleksandër Kaskovski.

Në përputhje me ligjet e Bjellorusisë, nëse gazetarët shpallen fajtor mund të dënohen me burg deri në dy vjet dhe me ndalesë të përkohshme për kryerjen e profesionit të gazetarisë.

Paraprakisht, Këshilli i Evropës apeloi për hetim të shpejtë dhe transparent dhe për lirimin e gazetarëve të arrestuar.

Zëdhënësi i Ministrisë së Punëve të Jashtme të Bjellorusisë Anatolij Glaz, të mërkurën deklaroi se arrestimi i gazetarëve nuk ka lidhje me politikë ose me lirinë e mediave.

Mediat në Bjellorusi janë nën kontroll të vazhdueshëm të pushtetit, veçanërisht pas demonstratave në mars të vitit 2017, kur qindra njerëz janë burgosur.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP