BE: Izraeli dhe Gaza janë “tmerrësisht afër” një konflikti të ri
Izraeli dhe Rripi i Gazës janë “tmerrësisht afër” një konflikti të ri si rezultat i përleshjeve të paradokohshme, paralajmëroi sot shërbimi diplomatik i Bashkimit Evropian.
“Rritja e dhunës ditëve të fundit i ka afruar në mënyrë të rrezikshme Izraelin dhe Gazën afër një konflikti ti ri”, theksohet në kumtesë.
BE-ja me këtë rast u apelon dy palëve që të kenë kujdes të mos i rrezikojnë jetët e civilëve.
Rripi i Gazës është nën kontroll të lëvizjes radikale palestineze Hamas, e cila nuk i njeh marrëveshjet paqeruajtëse mes Izraelit dhe Palestinës.