U zgjidh misteri i njerëzve të djegur dhe të varrosur në Stonehenge

Ekipi i kyesuar nga Christophe Snoeck përdori radiokarbonin së bashku me një teknikë të re të bazuar në analiza të përbërjeve të izotopeve të strontiumit (sr) për të përcaktuar origjinën e njerëzve të varrosur. Ekspertët arrijnë në përfundimin se të paktën një pjesë e këtyre njerëzve vinin nga perëndimi i ishullit të Britanisë së Madhe, perëndimi i Uellsit, i njëjti vend nga ku besohet se kanë ardhur gurët që u përdorën në fillimet e ndërtimit të monumentit të famshëm  në vitin 3100 para Krishtit, shkruan Bota.al.

Studimet e mëparshme përcaktonin se gurët vinin nga malet e Preselit dhe kishin sugjeruar se monumenti mund të jetë ngritur aty dhe më vonë gurët e tij janë tërhequr përgjatë200 km deri në vendin aktual në kontenë e Wiltshire për shkak të lëvizjeve të popullatës.

Thuhet se njerëzit që i kishin tërhequr vdiqën dhe u varrosën në Stonehenge ose mbetjet nga djegiet mund të jenë transporuar që nga perëndimi i Uellsit ku mund të kenë qenë varrosur fillimisht. Analizat e reja me teknika më të avancuara kanë konfirmuar sot se origjina e pjesës më të madhe të njerëzve ishte rajoni perëndimor i Britanisë së Madhe, çka konfirmon se gjatë neolitit të vonë pati migrime që nga ajo zonë deri tek rajoni antik i Wessex-it, sot Wiltshire.

Zbulimi se ndonjë informacion biologjik i mbijeton temperaturave të larta gjatë diegies (deri në 1000 gradë C) na ofron mundësinë emocionuese e të studiuarit të origjinës së këtyre të varrosurve në Stonehenge.  Shkencëtarët sinjalizojnë se teknika e re e analizës me izotope të strontiumit, gjurmët e të cilit duken se mbeten të mbyllura nga nxehtësia do të lejojë analizimin e mbetjeve tashmë të nxjerra nga koleksione të ndryshme arkeologjike.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP