Prishet tenderi i Shëndetësisë, ministri Filipçe duhet t’i dëmshpërblejë tre ndërmarrje

Komisioni Shtetëror për Ankesa në Furnizime Publike (KSHAFP) i ka pranuar ankesat e parashtruara nga tre ndërmarrje në lidhje me tenderin për furnizim publik të testeve dhe reagjentëve për analizat biokimike, imunologjike, hematologjike dhe kuagulative. Tenderi në të cilin kishte vetëm një ofertë – prishet, kurse tre operatorëve ekonomik – ankuesve, ministri i Shëndetësisë, Venko Filipçe do të duhet t’ju paguajë nga 26 mijë denarë dëmshpërblim, njofton Portalb.mk.

Sipas informacioneve të “Sloboden Peçat”, MSH-ja javën e ardhshme do të shpall tender të ri për furnizimin e njëjtë.

Komisioni Shtetëror për Ankesa për Furnizime Publike konsideron se oferta kërkon 6 lloje të testeve, aparaturave, sistemit informativ dhe transport, dhe se kufizimi i ofertës, është arsyeja kryesore se pse në tender ka pasur vetëm një ofertë.

Kjo nënkupton nëse operatorët ekonomik kanë pasur mundësi të realizojnë vetëm njërën nga ofertat, atyre u është ndaluar.

Vendimi i Komisionit është përfundimtar dhe MSH-ja është i obliguar që të veprojë në bazë të tij.

Ndërmarrja që e fitoi tenderin është “ABBOT Co KG” nga Gjermania, ndërkaq janë ankuar ndërmarrja “Dr. Panovski”, “Avicena” dhe “Adriamed”.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP