Messi e di: Plani “bombë” që nxjerr Dembele nga Barça

Në “Camp Nou” akoma priten shumë surpriza në këtë treg transferimesh. Pas disa transferimeve, në zyrat e klubit katalanas vazhdojnë të dalin emra qe mund të forcojnë ekipin e Valverde-s, transmeton Telesport.
Obsesioni i madh i Barcelonës ka një emër : Paul Pogba. Ëndrra e katalanasve është të bashkojë mesfushorin francez me Messin, Coutinho dhe të tjerët dhe për këtë janë të gatshëm të sakrifikojnë një tjetër yll: Ousmane Dembele.

Situata e francezit është nga më të veçantat. Nga Barcelona insistojnë që mbështeten tek ai, por e vërteta është se transferimi i Malcom dhe fakti që studiohen ofertat që vijnë për të, të bëjnë të mendosh të kundërtën.
Në dhomat e zhveshjes së Barcelonës janë të bindur që direktiva do të pranonte daljen e Dembele nëse kjo do të thoshte ardhjen e Pogba.

Në “Camp Nou” nuk përjashtojnë një ndryshim të kartave, pasi Jose Mourinho do e shikonte me një sy të mirë transferimin e ish lojtarit të Borussia Dortmund. Kjo javë mund të jetë vendimtare, kjo sepse Mino Raiola po shtyn që ta shohë Pogba me fanellën e Barça-s dhe Dembele mund të jetë i sakrifikuari i madh.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP