Rrëfehet Paolo Maldini: Ja përse u riktheva te Milani

 I lumtur dhe i emocionuar ashtu si një fëmijë, Paolo Maldini ka dalë sot para mediave dhe ka rrëfyer aersyen se përse ai vendosi të rikthehet te Milani, skuadra ku ai kaloi 25 vite të jetës së tij, shkruan Telesporti.
Nga Milanello, nga shtepia e kuqezinjve, ish-kapiteni legjendar tha: “Kurrë nuk kam JO pa biseduar më parë me ata që më kanë kërkuar. Takimi me Barbara Berlusconi nuk shkoi mirë, po ashtu edhe me pronarët kinezë, ku nuk kisha asnjë rol. Ndërsa tani situata është ndryshe. Leonardo me tregoi projektin, bisedova me pronarët e rinj që më shpjeguar se çfarë duan të bëjnë dhe u binda. Unë besoj te ky projekt dhe jam i lumtur që bëj pjesë në të”, tha Maldini.

Më tej, ish-mberojtësi milanist tregon edhe se cila do të jetë më në detaje detyra e tij. “Do të merrem me ekipin e parë, më të rinjtë, me ekipet e moshave, merkato, marrëdhënien mes trajnerit dhe klubit. Unë dhe Leonardo do të ndajmë së bashku të gjitha aspektet sportive, do të kemi të njëjtat përgjegjësi. E ndiej shumë përgjegjësinë që më ngarkohet, por edhe dëshirën që kisha për t’u rikthyer tek ky ambient, që më ka dhënë gjithçka”, tha Maldini, që rikthehet te skuadra kuqezi si pjesë e stafit të saj pas 9 vitesh.

Kam biseduar edhe me Gattuso, do të punojmë së bashku për të arritur një rezultat më të mirë se vendi i gjashtë i sezonit të kaluar”, tha Maldini, që nuk u nda mirë me tifozët kuqezinj. “Marrëdhëniet e mia me tifozët e Milanit janë të shkëlqyera, më duan dhe e kanë treguar gjithnjë këtë gjë. Ajo që ndodhi ditën time të lamtumirës ka mbetur aty dhe karriera ime gjykohet për atë që kam dhënë në fushë”, u shpreh Paolo Maldini.

Lajme të ngjashme

Leave a Reply

Your email address will not be published. Required fields are marked *

Back to top button