LSDM dhe VMRO: akuza të ndërsjella, kush e plaçkiti më shumë Maqedoninë

VMRO-DPMNE përmes kumtesës ka akuzuar se “Zoran Zaev dhe LSDM po vazhdojnë ta varfërojnë Maqedoninë, ndërsa plaçkitjen e përgjithshme po mundohen ta mbulojnë me marrëveshje kapitulluese që nënkuptojnë ndryshim të emrit, historisë, traditës dhe kulturës”.

“Qeveria e LSDM-së në tre muajt e kaluar, përsëri ka rritur borxhin publik, edhe atë për 54 milionë euro. Kjo sjellje duhet të përfundojë! VMRO-DPMNE kërkon që LSDM të ndalojë me këtë sjellje të dëmshme dhe huamarrjet e pakuptimta. Shteti i së drejtës dhe gjyqësori një ditë do të kthehen në rrugën e duhur. Të gjithë ata që në këtë moment po punojnë në mënyrë të dyshuar një dit do të përgjigjen para drejtësisë”. thuhet në komunikatën e VMRO-së.

Ndaj komunikatës së VMRO-së kanë reaguar nga LSDM, të cilët kanë thënë se VMRO- DPMNE në kohën kur ishte në pushtet, ka shpenzuar paratë e qytetarëve në katër sy, ndërsa dokumentet e marrëveshjeve të tilla të dëmshme ende askush nuk mund t’i gjejë.

“VMRO-DPMNE do të mbahen mend se kanë ndarë tenderë nga 100 mijë deri në milionë euro kompanive të afërta me partinë, të cilët as që i kryenin detyrat për të cilat janë angazhuar. Tenderët nuk u publikonin në faqen e Byrosë për Furnizime Publike, ndërsa publikimi i shpenzimeve të funksionarëve të VMRO-DPMNE-së, ishte fanta-shkencë”. thuhet në kumtesë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP