Rumani, dy vjet burg ish-kryeministrit për korrupsion

Gjykata Supreme e Rumanisë ka konfirmuar të mërkurën se ish-kryeministri Adrian Nastase, do të shërbejë dy vjet burgim, për shkak të korrupsionit.

Nastase, kryeministër majtist në periudhën 2000-2004, është figura më e lartë zyrtare që burgoset në Rumani, që nga rënia e komunizmit.

Nastase ka abuzuar me dy milionë dollarë nga buxheti i vitit 2004. Ai ka humbur zgjedhjet nga presidenti aktual, Traian Basescu.

Ndërkohë, kryeministri aktual, Viktor Ponta, është nën presion për të dhënë dorëheqje, për shkak të akuzave për plagjiat.