Francë, Legjioni i Nderit për kampionët e botës

Futbollistët e kombëtares së Francës në futboll, do të marrin çmimin “Legjioni i Nderit”, që është çmimi më i lartë shtetëtor, thuhet në një njoftim të Zyrës së presidentit të këtij vendi, Emmanuel Macron, transmeton Anadolu Agency (AA).

Akoma nuk dihet data e saktë në të cilën futbollistëve francezë të cilët sollën kupën e botës për herë të dytë në Francë, do t’u ndahet kjo mirënjohje, megjithatë dihet se në ceremoninë e ndarjes do të marrin pjesë rreth 3.000 persona, nga të cilët 1.000 futbollistë të rinj nga klubet e ndryshme të vendit.

Para 20 vitesh, përzgjedhësi aktual i Francës, Didier Deschamps, në cilësi të kapitenit solli në Francë për herë të parë titullin e kampionit të botës, për çka atëherë u kurorëzua me titullin “Legjioni i Nderit”, të cilën në atë kohë ia dorëzoi presidenti Jacques Chirac. Tash pritet që Deschamp të avancohet në një rend më të lartë, më saktësisht nga Vitez, në Oficer.

Kombëtarja e Francës të hënën është kthyer në vendlindje, ku në rrugët e Parisit e priti një turmë prej rreth një milion qytetarësh të cilët kishin dalë të përshëndesin heronjtë e tyre.

Rikujtojmë se në finalen e Botërorit, Franca mposhti Kroacinë me shifrat 4:2.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI MOBIL