Rusia i dorëzoi Katarit rolin e organizatorit të Botërorit të ardhshëm

Organizatorja e Kampionatit aktual Botëror 2018 Rusia sot formalisht ia dorëzoi Katarit rolin e organizatorit të Botërorit të ardhshëm që do të mbahet në vitin 2022, raporton Anadolu Agency (AA).

Në një deklaratë nga Kremlini thuhet se me pjesëmarrjen e presidentit të Rusisë Vladimir Putin, emirit të Katarit Sheiku Temim bin Hamed Al Thani dhe presidentit të Federatës Botërore të Futbollit (FIFA) Gianni Infantino sot në Pallatin e Kremlinit u bë ceremonia e dorëzimit për Kampionatin Botëror 2022, i cili do të mbahet në Katar.

Putin me këtë rast i dhuroi Al Thanit një top futbolli me ngyrë të kuqe dhe të bardhë, i cili do të përdoret në finalen e sotme.

Gjatë një fjalimi, Putin tha se ndjen krenari për organizimin e Botërorit. “Kampionati Botëror po përfundon. Ndjejmë krenari për atë që bëmë për fansat e këtij sporti të mrekullueshëm”, tha presidenti rus.

Putin po ashtu shprehu kënaqësinë që vendi i tij ishte nikoqir i futbolldashësve të shumtë që kanë ardhur në Rusi nga të gjitha vendet e botës për këtë kampionat.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP