Finalja e Botërorit “Rusi 2018” përmes shifrave statistikore

Kupa e Botës është mbyllur me fitoren 4-2 të marrë nga Franca kundër Kroacisë. Këto janë statistikat që kanë dalë nga përballja e sapo mbyllur në “Luzhniki Arena” të Moskës, shkruan Telesport.

– Mbape është bërë lojtari i dytë më i ri që shënon në një finale të Kupës së Botës pas Pele në 1958-ën: 60 vite më pas!

– Franca është skuadra e parë që shënon katër gola në një finale të Kupës së Botës që nga Brazili në 1970-ën.

– Olivier Zhiru nuk ka bërë asnjë gjuajtje në kuadrat në 546 minutat e luajtura në Kupën e Botës me Francën.

– Franca nuk ka humbur asnjë ndeshje me N’Golo Kante dhe Poll Pogba në formacionin titullar (19 ndeshje: 15 fitore, 4 barazime).

– Antoan Grizman është lojtari i tretë që shënon në një finale europiane në nivel klubi dhe një finale të Kupës së Botës brenda një sezoni pasi një gjë të tillë e kanë bërë: Gerd Muller (Gjermani dhe Bayern Munich), në 1974-ën, dhe Horhe Valdano (Argjentina dhe Real Madrid), në 1986-ën.

– Ivan Perishiç është përfshirë në realizimin e 11 golave në ndeshjet e luajtura me Kroacinë në kompeticionet e mëdha (7 gola, 4 asiste); më shumë se çdo lojtar tjetër.

– Mario Manxhukic është lojtari i parë që shënon një autogol në një finale të Kupës së Botës.

– Kombëtarja me të cilën Franca ka luajtur kundër Kroacisë është më e reja në historinë e finaleve të Kupës së Botës (26 vjeç, 90 ditë) që nga finalja Argjentinë-Holandë e 1978-ës.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP