Bie Instagrami! Të fiksuarit pas rrjeteve sociale në “panik”

Përdoruesit e Instagramit në të gjithë botën kanë pasur vështirësi në postimin e fotove apo atyre që quhen “Story”. Mbrëmjen e së premtes, në aplikacion dilte fraza “Couldn’t refresh feed”.

Sipas “DownDetector”, një shërbim që monitoron problemet në rrjet, më shumë se 2000 persona kanë raportuar probleme brenda 10 minutave, transmeton TCH.

Raportimet kanë ardhur nga Evropa, Shtetet e Bashkuara dhe Azia.

Probleme të tilla janë të rralla në fakt për Instagramin, por kur ke qindra milionë përdorues, çdo defekt i vogël ka ndikim të madh.