Twitter pastron llogaritë e rreme dhe ato të deaktivizuara

 Rrjeti social Twitter ka filluar të heqë nga platforma e saj miliona llogari të rreme dhe të dyshuara, raporton Anadolu Agency (AA).

Disa nga përdoruesit më të njohur të rrjetit social Twitter, përfshirë presidentin amerikan Donald Trump, u përballën me një ulje qindra mijëshe të numrit të ndjekësve të tyre.

“Veprimi lidhur me këtë çështje fillon sot”, shkroi drejtori Ekzekutiv dhe bashkëthemelues i Twitter-it, Jack Dorsey, i cili tha se ka humbur rreth 200.000 ndjekës.

Dje, Twitter bëri të ditur për fillimin e një aksioni për heqjen e llogarive të “mbyllura”, të cilat ishin deaktivizuar nga shkaku se Twitter i konsideroi të dyshuara ose të rreme.

Llogaria zyrtare e Twitter-it, @Twitter, është njëri nga humbësit më të mëdhenj nga kjo fushatë e pastrimit, meqë ka humbur rreth 10 milionë ndjekës, ose 12 për qind nga totali, me çka aktualisht ka 55 milionë ndjekës.

Trump humbi rreth 200.000 ndjekës. Ish-presidenti amerikan, Barack Obama, humbi afërsisht 2.6 milionë ndjekës, ndërsa llogaria zyrtare e këngëtares Katy Perry, tashmë është me 2.7 milionë ndjekës më pak.

Në një njoftim të bërë, drejtorja Ekzekutive e kompanisë, Vijaya Gadde, tha se Twitter ka përllogaritur se përdoruesi mesatar do të humbiste katër ndjekës.

“E kuptojmë se situata e krijuar mund të jetë e vështirë për disa, megjithatë ne besojmë se saktësia dhe transparenca e bëjnë Twitter-in një shërbim më të besueshëm për biseda publike”, tha Gadde.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP