Serena Williams siguron finalen në Wimbeldon

 Serena Williams u kualifikua në finalen e turneut të tretë Grand Slam të sezonit, Wimbledon, duke mposhtur në gjysmëfinale tenisten gjermane Julia Goerges me rezultatin 2-0 në sete, raporton Anadolu Agency (AA).

Williams, bartëse e 25-të në turneun e këtij viti, e cila ka arritur të fitojë trofeun e Wimbledonit shtatë herë gjatë karrierës së saj, mposhti gjermanen Goerges, e cila për herë të parë u kualifikua në gjysmëfinale në një turne Grand Slam.

Tenistja amerikane u ngjit në finale duke mposhtur kundërshtaren e saj me rezultatin 2-0 në sete, 6-2 dhe 6-4, pas një loje që zgjati një orë e dhjetë minuta.

Në finalen që do të luhet të shtunën, Serena Williams do të përballet bartësen e 11-të, gjermanen Angelique Kerber, e cila në karrierën e saj ka fituar dy trofe Grand Slam.

Ndërkaq, nesër të meshkujt luhen ndeshjet e gjysmëfinales, në kuadër të së cilave Rafael Nadal do të përballet me Novak Djokoviç, kurse John Isner do të luajë kundër Kevin Anderson.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP