BeH, 82 vite burgim ish-ushtarëve serbë për krime lufte

Gjykata në Bosnjë dhe Hercegovinë ka shqiptuar dënim total prej 82 vitesh për pesë ish-ushtarë serbë për krime lufte të kryera ndaj civilëve bosnjakë dhe kroatë gjatë luftës në këtë vend (1992-1995), raporton Anadolu Agency (AA).

Vendimi i gjykatës u shpall në lëndën gjyqësore “Marjanoviç dhe të tjerët”.

Dragan Marjanoviç, Sasha Gavranoviç, Vitomir Deviç dhe Zoran Shljuk morën nga 17 vite burgim, ndërsa Dragomir Kezunoviç u dënua me 14 vite për krime të kryera ndaj popullatës boshnjake dhe kroate në qytezën Tesliç në veri të vendit në qershor të vitit 1992.

Siç u tha gjatë shpalljes së vendimit, Marjanoviç ishte komandant i Njësisë së Tesliçit në Ushtrinë e Republikës Sërpska (VRS), ndërsa emrat e tjerë po ashtu kanë shërbyer në këtë njësi.

Në aktvendim po ashtu u tha se civilët boshnjakë dhe kroatë janë dëbuar nga shtëpitë e tyre dhe se 28 civilë të kapur nga Gavranoviç, Deviç dhe Shljuk janë pushkatuar me urdhër të Marjanoviçit, ndërkohë që Kezunoviç ka marrë pjesë në mënyrë indirekte në këtë krim.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP