NATO do të “monitorojë” kërcënimin e raketave balistike ndaj Turqisë

“NATO do të vazhdojë të monitorojë dhe vlerësojë kërcënimin e raketave balistike ndaj Turqisë nga Siria”, është theksuar në deklaratën e lëshuar pas ditës së parë të Samitit të NATO-s në Bruksel, transmeton Anadolu Agency (AA).

“Ne mbetemi të shqetësuar se Turqia është goditur tre herë në katër vitet e fundit nga raketat e nisura nga Siria. Ne vazhdojmë të monitorojmë dhe vlerësojmë kërcënimin e raketave balistike nga Siria”, thuhet në deklaratë.

Duke përmendur inventarin e raketave balistike me rreze të shkurtra, deklarata tha se shtrirja e këtyre raketave “mbulon një pjesë të territorit të NATO-s dhe disa territore të partnerëve tanë”.

Ajo gjithashtu tërhoqi vëmendjen se regjimi sirian i kishtë përdorur këto raketa gjerësisht kundër popullsisë së vet.

“Kërcënimi në rritje i paraqitur nga përhapja e raketave balistike në afërsi të kufirit juglindor të Aleancës ka qenë dhe mbetet një ngasës në zhvillimin e NATO-s dhe vendosjes së një sistemi të mbrojtjes raketore balistike, e cila është konfiguruar për të kundërshtuar kërcënimet nga jashtë zonës euro-atlantike”, theksohet në deklaratë.

Takimi dy-ditor i NATO-s filloi me pjesëmarrjen e shefave të 29 shteteve dhe qeverive të NATO-s për të marrë vendime të rëndësishme për të ardhmen e aleancës.

NATO gjithashtu u zotua t’i sigurojë Turqisë “masa të përshtatura të sigurisë” që synojnë garantimin e sigurisë së aleancës.

“Masat e përshtatura të sigurisë për Turqinë për t’iu përgjigjur sfidave në rritje të sigurisë nga jugu kontribuojnë në sigurinë e Aleancës në tërësi dhe do të zbatohen plotësisht”, thuhet në deklaratë.

Që nga viti 2014, NATO ka zbatuar Masat e Sigurisë (AM) që përfshijnë një sërë aktivitetesh tokësore, detare dhe ajrore brenda dhe rreth pjesës lindore të territorit të Aleancës.

Në fund të vitit 2015, aleatët e NATO-s ranë dakord mbi një paketë masash të sigurimit të përshtatura për Turqinë (TAMT) për t’iu përgjigjur sfidave në rritje të sigurisë në kufijtë turq.

Këto masa përfshijnë praninë e avionëve të mbikëqyrjes AWACS në rajon, rritjen e aktivieteteve detare në Mesdheun Lindor, si dhe aktivitetet e intelegjencës, mbikëqyrjes, zbulimit dhe shkëmbimit të informacionit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP