Bruksel, presidenti Erdoğan takohet me kancelaren Merkel

Presidenti i Turqisë, Recep Tayyip Erdoğan, në kuadër të Samitit NATO në Bruksel ka zhvilluar një takim me kancelaren gjermane, Angela Merkel, raporton Anadolu Agency (AA).

Erdoğan në kuadër të Samitit të NATO-s në kryeqytetin e Belgjikës realizoi takime dypalëshe.

Në pjesën e ndarë për takimet kokë më kokë të liderëve, presidenti Erdoğan zhvilloi një takim me kancelaren Angela Merkel.

Para takimit i cili zgjati 40 minuta, Erdoğan dhe Merkel prezantuan njëri-tjetrit delegacionet e dy shteteve.

Me këtë rast, kancelarja Merkel uroi presidentin Erdoğan për suksesin e arritur në zgjedhjet e 24 qershorit.

Në takim të pranishëm ishin edhe ministri i Jashtëm i Turqisë, Mevlüt Çavuşoğlu, ministri i Mbrojtjes Kombëtare, Hulusi Akar dhe zëdhënësi i Presidencës turke, İbrahim Kalın.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP