NATO e ftoi Maqedoninë t’i fillojë bisedimet

17:30 – Sekretari i përgjithshëm i NATO-s, Jens Stoltenberg, e ftoi Mqedoninë t’i fillojë bisedimet hyrëse për anëtarësim në Aleancë, njofton Portalb.mk.

Siç tha ai, Maqedonia do të bëhet anëtarja e 30-të e Aleancës, pasi t’i mbarojë procedurat nacionale dhe ta implementojë Marrëveshjen për Emrin me Greqinë.

“Në vitin 2008 kemi vendosur që NATO t’i japë ftesë Maqedonisë për hyrjen në NATO, pasi të gjendej një zgjidhje e përbashkët për emrin, pas ngërçit me Greqinë, bazuar në kornizat e OKB-së. E përshëndesim marrëveshjen historike mes Athinës dhe Shkupit për zgjidhjen e çështjes së emrit. Në pajtueshmëri me politikën tonë kemi vendosur që ta ftojmë qeverinë në Shkup të fillojë bisedimet me aleancën. Të bëhet implementimi i plotë i të gjitha procedurave në lidhje me marrëveshjen për çështjen e emrit, gjë që është edhe kusht për plotësimin e procesit hyrës”, thuhej në draft konkluzionet.

Konkluzionet përshëndesnin gjithashtu edhe marrëveshjen me Bullgarinë.

Me këtë rast, kryeministri Zaev në rrjetin social Facebook ka uruar qytetarët.

“Gëzohuni Maqedoni!
Portat për anëtarësimin tonë të plotë në NATO janë të hapura.

Pasdite, vendet anëtare të NATO-s vendosën të na dërgojnë një ftesë në Republikën e Maqedonisë për të filluar procesin e anëtarësimit për anëtarësim në Aleancë.

Partnerët dhe miqtë tanë na njohën sot. Njihet një angazhim i fortë, të gjitha kriteret janë përmbushur.

Sot është një ditë e mrekullueshme historike për Republikën e Maqedonisë.

Premtoj se do të sjellim lajme të mira edhe në periudhën e ardhshme, në interes të të gjithë qytetarëve të vendit tonë”, shkruan Zaev.

14:00 – Draft-konlkluzionet e Samitit të NATO-s parashohin që Maqedonia të fitojë sot ftesë për fillimin e bisedimeve për anëtarësim në Aleancën dhe anëtarësim, pas përmbylljes të të gjitha procedurave, njofton Portalb.mk.

“Në vitin 2008 kemi vendosur se NATO do i ndajë ftesë IRJM-së për hyrje hyrje në NATO, pasi që të gjendet zgjidhje e përbashkët për emrin në korniza të OKB-së. E përshëndesim marrëveshjen historike mes Athinës dhe Shkupit për zgjidhjen e çështjes së emrit. Në pajtueshmëri me politikën tonë kemi vendosur që ta ftojmë Qeveria në Shkup të fillojë me bisedimet me Aleancën. Të bëhet implementim i plotë i të gjitha procedurave në lidhje me marrëveshjen për kontestin e emrit, gjë e cila është dhe kusht për rrumbullakim të procesit hyrës”, thuhet në draft konkluzionet.

Konkluzionet e përshëndesin edhe Marrëveshjen me Bullgarinë.

“I përshëndesim përpjekjet e Qeverisë në vitin e fundit dhe progresin e rëndësishëm që e kanë arritur për disa reforma të caktuara priroitare dhe inkurajojmë për reforma plotësuese që të përforcohet kontributi drejt Aleancës”, thuhet në konkluzione.

NATO i përshëndet edhe përpjekjet për ndërtimin e shoqërisë multietnike dhe bën thirrje që të vazhdohen përpjekjet plotësisht në atë fushë. NATO e përshëndet edhe kontributin e Maqedonisë në misionet e saja dhe sigurinë ndërkombëtare.

Zv/kryeministrja dhe ministrja e Mbrojtjes, Radmilla Shekerinska, pasi ka arritur në Samitin e NATO-s ka deklaruar se sot është dita ku mund ta përmirësojmë atë që është lëshuar në vitin 2008.

“Sot është dita në të cilën mund ta përmirësojmë atë që e kemi lëshuar në vitin 2009”, tha Shekerinska para gazetarëve.

Ajo e rikujtoi Samitin e NATO-s në Bukuresht kur Maqedonia duhej të marrë ftesë për anëtarësim, por u refuzua për shkak se kishte problem rreth kontestit të emrit me Greqinë. Në atë kohë nuk ndihmoi insistimi dhe premtimi i presidentit të atëhershëm të Amerikës, Xhorxh Bush. Greqia mbeti në qëndrimin e saj, ndërsa shkak ishte edhe riemërimi i aeroportit të Shkupit dhe autostradës për në Greqi në atë kohë me emrin “Aleksandër Makedonski”.

Ndërkohë, burime të larta diplomatike në NATO deklaruan se nuk priten bllokada për dhënien e ftesës për Maqedoninë në samit.

Në fund të qershorit, “Njujork Tajms”, publikoi informacion sipas të cilit Donald Tramp do të mund të bllokojë ftesën e Maqedonisë për në NATO për shkak të raporteve të tij me Vlladimir Putinin. Por, burime diplomatike dje theksuan se nuk ka kurrfarë indikacioni për një gjë të tillë.

Në samitin e NATO-s që do të mbahet sot dhe nesër në Bruksel merr pjesë një delegacion qeveritar i udhëhequr nga kryeministri Zoran Zaev, i cili në Bruksel ka arritur nga Samiti BE – Ballkani Perëndimor në Londër, ku deklaroi se pret ftesë për në NATO.

Stoltenberg: Dera e NATO-s është e hapur për Maqedoninë

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP