Vret veten djali i Tina Turner, ende asnjë reagim nga këngëtarja e famshme

Djali i Tina Turner, Craig Raymond, është gjendur i vrarë në moshën 59-vjeçare në shtëpinë e tij në Studio City të Kalifornisë. Sipas mediave ndërkombëtare, Raymond dyshohet se ka kryer vetëvrasje me armë zjarri, por arsyet mbeten ende të paqarta. Siç shkruan TMZ, transmeton Class autoritetet e gjetën pa shenja jete kur arritën në shtëpinë e tij në Studio City, CA, pak pas mesditës dhe e shpallën të vdekur në vendngjarje. Lajmin e hidhur e kanë konfirmuar edhe nga Mjekësia Ligjore e Departamentit të Qarkut të Los Angeles.

Ndërkohë që policia vijon hetimet, thuhet se nga këngëtarja e famshme, e cila jeton prej vitesh në Zvicër, nuk ka ende asnjë deklaratë. Vetëm pak orë para fundit tragjik të të birit, 78-vjeçarja mori pjesë në shfaqjen e Giorgio Armani në Javën e Modës, Haute Couture, në Paris.

Craig u adoptua nga bashkëshorti i saj, Ike Turner, pas martesës së tyre në vitin 1962. Ai ishte djali i parë i lindur nga Tina, kur këngëtarja ishte vetëm 18 vjeç, para se të martohej me Ike Turner. Babai i tij biologjik ishte një saksofonist, Raymond Hill, i cili ishte pjesë e grupit “Kings of Rhythm”. Pasi Tina u martua me Ike, ai e adoptoi Craig dhe e rriti si djalin e tij. Craig punoi si specialist i pasurive të paluajtshme dhe ishte pjesë e disa organizatave, duke përfshirë Organizatën Kombëtare të Realtors dhe Shoqatën “Realtors”, në Kaliforni.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP