Bejli për Maqedoninë: presim lajme të mira nga Samiti i NATO-s
Në manifestimin e shënimit të 4 Korrikut – Ditës së Pavarësisë së SHBA-së, ambasadori Xhes Bejli, gjatë fjalimit të tij nuk ka hezituar të flas edhe për procesin euroatlantik të Maqedonisë, duke shprehur optimizëm se pret lajme të mira në Samitin e NATO-s, njofton Portalb.mk.
“Qytetarët janë të fokusuar në lidhjet formale që e lidhin Maqedoninë me fqinjët e saj, me Evropën, me SHBA-në, me NATO-n, me BE-në, me Marrëveshjen e Prespës me Greqinë dhe Marrëveshjen me Bullgarinë. Vitin e kaluar është arritur përparim i madh, dhe jemi në pritje të lajmeve të mira nga Samiti i NATO-s së javës së ardhshme”, ka thënë Bejli.
Duke folur për këtë, në ngjarje, në sy ka rënë mungesa e kryetarit të Maqedonisë, Gjorge Ivanov, i cili refuzoi të nënshkruajë Marrëveshjen e emrit – Maqedonia Veriore.
Ndërkaq dje, kryeministri i Maqedonisë, Zoran Zaev tha se pas marrjes së ftesës për në NATO, do të caktohet edhe data e mbajtjes së ditës së referendumit për emrin.
АNALIZË: Përfitimet ekonomike të anëtarësimit në NATO të kapshme për banorët e Maqedonisë
