Deskoska: Qytetarët e Maqedonisë meritojnë demokraci funksionale

Një nga segmentet kyçe të sundimit të së drejtës është pavarësia e gjyqësorit. Pranimi dhe respektimi i këtij parimi fundamental pa mëdyshje kontribuon për rritjen e besimit në sistemin juridik, deklaroi ministrja e Drejtësisë Renata Deskoska në seminarin e 98-të Rose-Roth në Kuvendin e Republikës së Maqedonisë, raporton Anadolu Agency (AA).

Pikërisht për këtë shkak, siç theksoi ajo, strategjia më e re e Komisionit Evropian për zgjerimin me vendet e Ballkanit Perëndimor deri në vitin 2025, theks të veçantë u vendos aktiviteteve reformuese në fushën e sundimit të së drejtës.

“Jemi të vetëdijshëm se nga implementimi i aktiviteteve në këtë sferë shumë do të varen edhe reformat në sferat tjera që duhet t’i përmbushim. Në këtë kontekst sigurimi i pavarësisë së plotë në gjyqësor, përforcimi i institucioneve të sistemit dhe lufta kundër korrupsionit paraqesin tre prioritetet tona kulmore”, tha Deskoska.

Ajo potencoi se gjatë viteve të kaluara në Republikën e Maqedonisë sistemi i së drejtës dhe pavarësia e gjyqësorit kanë qenë tërësisht të degraduara, që u konstatua edhe në raportet e organizatave ndërkombëtare.

“Duke u nisur nga këto dobësi të locuara, Qeveria e Republikës së Maqedonisë miratoi strategjinë për reforma në sektorin e jurisprudencës me planin aksional për periudhën 2017/2022 dhe filloi reformat në sistemin gjyqësor të cilat duhet të kontribuojnë për kthimin e besimit në institucionet, sigurimin e sigurisë juridike, mbrojtjen e lirive dhe të drejtave të njeriut dhe krijimin e atmosferës së gjyqësorit të lirë pa kurrfarë presionesh politike”, tha Deskoska.

Sipas saj, qëllimi primar është vendosja e parimit të sundimit të së drejtës me përforcimin e pavarësisë dhe paanshmërisë së gjyqësorit dhe Prokuorisë publike, reformimin e Këshillit gjyqësor dhe Këshillin e prokurorëve publik, rritjen e efikasitetit të Këshillit gjyqësor dhe Këshillin e prokurorëve publik, rritjen e efikasitetit të gjyqësorit, gjegjësisht evropianizimi i gjyqësorit dhe prokurorisë publike përmes vendosjes së standardeve.

Nga sot e deri të premten në Kuvendin e Maqedonisë do të mbahet Seminari i 98-të Rose-Roth. Seminari është në organizim të Asamblesë Parlamentare të NATO-s në bashkëpunim me Kuvendin e Republikës së Maqedonisë me temë “Integrimi euroatlantik i Ballkanit Perëndimor: Përforcimi i projektit paqësor evropian”.

Lajme të ngjashme

Leave a Reply

Your email address will not be published. Required fields are marked *

Back to top button