Zgjedhjet në Turqi: Në Manisa vendvotimi mbyllet pas 32 minutash

Pas vetëm 32 minutash nga hapja, në vendbanimin Bozkoy, në provincën turke Manisa, është mbyllur vendvotimi nga shkaku se të gjithë banorët votuan në zgjedhjet e parakohshme presidenciale dhe parlamentare që po mbahen sot në Turqi, raporton Anadolu Agency (AA).

Në vendbanimin i cili ka 48 banorë, obligimin qytetar e kryen 29 votues.

Vendvotimi u hap në orën tetë sipas kohës lokale, dhe i njëjti u mbyll 32 minuta më vonë. Qytetarët e angazhuar në bujqësi, që në mëngjes kryen obligimin e tyre qytetar, duke ju rikthyer punëve të përditshme.

Qytetari më i vjetër është 86 vjeçari Ihsan Bas, ish-kryeplaku i fshatit, ndërsa më i riu me të drejtë vote është 18 vjeçari Omer Donmez.

Kryeplaku i tanishëm i Bozkoyit, Irfan Gonder, tha se ky vendbanim më parë ka pasur 65 votues, por numri u zvogëlua për shkak të zhvendosjes së popullsisë.

Ai shpjegoi se fshati ka 35 votues të regjistruar, por gjashtë prej tyre ndodhen për trajtim në spitale jashtë fshatit.