MBPEU reagoi ndaj partisë BESA, konkursi për punësim është për të gjitha bashkësitë etnike

Ministrisë së Bujqësisë, Pylltarisë dhe Ekonomisë së Ujërave (MPBEU) përmes një kumtese i demanton akuzat për diskriminim ndaj bashkësive etnike në konkursin për punësim nr.70/2018 nga Lëvizja Besa me kryetar Bilall Kasamin.

Sipas tyre,  partia në fjalë shpërndan informata të pavërteta dhe të pa-verifikuara në mediume me qëllim të manipulojë me opinionin.

“Konkursi për punësim nr.70/2018, të cilin MBPEU e ka shpallur më datë 11.06.2018, është i përpunuar sipas dispozitave ligjore pozitive dhe planit vjetor për punësim të vitit 2018. Në të  njëjtin është e ruajtur mundësia që edhe bashkësitë e tjera etnikë të kenë të drejtë aplikimi. Njëherit nga gjithsej 42 vende pune është e paraparë mundësia që të aplikojnë 28 aplikues nga komuniteti  maqedonas, 10 aplikues nga komuniteti shqiptar, 2 aplikues nga komuniteti turk, 1 aplikues nga komuniteti rom,  dhe 1 aplikues nga komunitetet e tjera në Republikën e Maqedonisë.” thuhet në kumtesë.

Sa i përket përdorimit të gjuhës maqedonase, MPBEU thekson se ministria nuk i parasheh kushtet e përgjithshme të konkursit, por sipas këtij institucioni, ata taksativisht janë të parapara në nenin 31 paragrafi 1 të Ligjit për Nëpunës administrativ.

“Këtu janë të parapara kushtet e përgjithshme dhe të veçanta për punësimin e një nëpunësi administrativ.” thuhet mes tjerash në kumtesë.

Lëvizja BESA me kryetar Kasamin: Ministria e Bujqësisë ka shpallur konkurs diskriminues

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP