Pritet që Greqia ta dërgojë letrën në BE dhe NATO për njoftim të marrëveshjes së arritur

Ende nuk ka informata se a e ka dërguar Greqia letrën në BE dhe NATO me të cilën do t’i njoftojë se janë hequr pengesat për integrimin e mëtutjeshëm të vendit fqinj në Bashkimin Evropian, pasi që të mërkurën Ministria e Maqedonisë së Punëve të Jashtme ka dërguar letër në Ministrinë e Greqisë se marrëveshja për kontestin e emrit është ratifikuar në Kuvendin e Republikës së Maqedonisë, transmeton Portalb.mk.

Sipas marrëveshjes, Greqia ka për detyrim që, pas ratifikimit të marrëveshjes në Kuvendin e Maqedonisë, ta njoftojë kryetarin e Këshillit Evopian, Donald Tusk, se jep mbështetje për fillim të anëtarësimit të Maqedonisë në BE dhe ta njoftojë sekretarin e përgjithshëm të NATO-s, Jens Stoltenberg se e përkrah ftesën për anëtarësim në NATO. Ministrat e Punëve të Jashtme të vendeve anëtare të BE do të mblidhen me 25 dhe 26 qershor, ndërsa Samiti është me 28 qershor, ndërsa samiti i NATO-s është caktuar për 11 dh 12 korrik.

Sipas marrëveshjes, emri zyrtar i shtetit do të jetë Republika e Maqedonisë së Veriut ose Maqedonia e Veriut (shkurt). Me marrëveshjen është pranuar gjuha maqedonase, si pjesë e grupit të gjuhëve sllave. Për shtetësinë është parashikuar: qytetar/maqedonas i Republikës së Maqedonisë së Veriut –në të gjitha dokumentet e udhëtimit. Fjalën përfundimtare të marrëveshjes e kanë qytetarët maqedonas në referendumin e paralajmëruar në vjeshtë.

Marrëveshjen për zgjidhjen e kontestit shumë vjeçar e nënshkruan ministrat e Punëve të Jashtme të të dy vendeve, Nikolla Dimitrov dhe Nikos Koxias të dielën në Prespë.

Në ndërkohë në Bruksel vazhdojnë diskutimet mes vendeve anëtare të BE-së për përcaktimin e datës për fillim të bisedimeve të Maqedonisë në Këshillin e BE-së, ku në këtë Franca ende vazhdon të kundërshtojë që të ndodhë në qershor edhe përkundër marrëveshjes së arritur me Greqinë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP