Lira Bojku do ta promovojë librin në gjuhën maqedonase “Dashuria e Gjeneralit Sh.”

Të enjten në ora 19:00 në MATICA Exlusive do të bëhet promovimi i librit në gjuhën maqedonase të autores Lira Bojku me titull „Љубовта на генерал Ш.” (“Dashuria e Gjeneralit Sh.”), njofton Portalb.mk.

Promotorë të librit do të jenë profesoresha Besa Arifi dhe shkrimtari Bllazhe Minevski.

Biografia e autores Lira Bojku:

Lira Bojku u lind më 9 qershor 1990 në Shkup. Që në moshë të vogël ka treguar afinitet të veçantë për artin e letërsisë dhe atë figurativ. Ka diplomuar në Fakultetin Juridik në Universitetin e Evropës Juglindore (UEJL) ku u shpall studente e gjeneratës 2009/12. Vijoi studimet pasdiplomike në programin TEMPUS drejtimi Marrëdhëniet Ndërkombëtare- Të Drejtat e Njeriut, ku në vitin 2016 magjistroi me tezën “Implementimi i Konventës për Ndalimin e të Gjitha Formave të Diskriminimit ndaj Grave në Republikën e Maqedonisë”.
Ishte një nga dhjetë oratorët më të mirë të shkollave të mesme të qytetit të Shkupit (garë e organizuar nga Qyteti i Shkupit).
Ka marrë pjesë në konkurse letrare për poezi/ prozë. Në vitin 2013 shpërblehet me vend të dytë për prozë, në konkursin letrar të organizuar nga Komuna e Tetovës për hir të “Ditës së alfabetit”. Në vitin 2014 shpërblehet me vend të tretë për poezi (Çmimi Sefer Selimi), në konkursin letrar të organizuar nga Komuna e Gostivarit. Në vitin 2017 shpërblehet me vend të tretë për prozë në sajë të manifestimit tradicional “VERA KULTURORE TETOVARE” organizuar nga Klubi i Shkrimtarëve “OENEUM” në bashkëpunim me Komunën e Tetovës.
Autore e librit “Këpucët e kuqe”(përmbledhje tregimesh) botuar në vitin 2015 dhe “Dashuri në Lavatriçe” të botuar në vitin 2017.
Tre tregime të saj janë përkthyer në gjuhën maqedonase dhe janë botuar ne librin e dytë të Raskazi.mk- pjesë e projektit “Krijo një libër”.
Ka marrë pjesë në disa manifestime letrare si: “Vargje në verandë”, “Dashuria e nënës për paqe” – me rastin e 106 vjetorit të lindjes së Agnes Gonxhe Bojaxhiut – Nënë Terezës, “Shkupi lexon”, “Takimi letrar Nënë Tereza”, “Me poezi në Shkup për të folur shqip” etj.
Punon në Sekretariatin për çështje evropiane (SÇE- Qeveria e Republikës së Maqedonisë).
Shkruan poezi dhe prozë, ndërsa ky është libri i saj i dytë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP