Taravari dhe Rashidi, kërkuan nga përfaqësuesit e BE, që sa më shpejtë  të fillojnë negociatat për anëtarësim në BE


Sekretari gjeneral i Aleancës për Shqiptarët Arben Taravari dhe deputeti i ASH-së Syrija Rashidi, zhvilluan takim me zyrtar të lartë të BE-së, që ishin pjesë e delegacionit monitorues të Kuvendit Parlamentar të Këshillit Evropian. Në këtë takim Taravari dhe deputeti Rashidi, njoftuan delegacionin e Këshillit Evropian për ngjarjet aktuale politike, për nënshkrimin e marrëveshjes për zgjedhjen e kontestit të emrit të Maqedonisë me Greqinë, duke e vlerësuar si një moment të rëndësishëm për hapjen e procesit të integrimit te Maqedonisë në BE dhe NATO.

Taravari, ka informuar anëtarët e delegacionit të Këshillit të BE-së, se si subjekt politik Aleanca për Shqiptarët ka dhënë vlerësim pozitiv për arritjen e kësaj marrëveshje, pasi ky problem, që ka zgjatur me decenie i jep fund bllokadave të ndryshme që kanë penguar Maqedoninë të bëhet pjesë e strukturave Euro-Atlantike.
Ndërkaq, sa i përket çështjes së vetë emrit të ri, Aleanca për Shqiptarët, ka vlerësuar se emërtimi i ri Republika Maqedonisë së Veriut është një emërtim më i përafërt me karakterin multi-etnik të vendit dhe si i tillë është i pranueshëm edhe për Aleancën për Shqiptarët.

Prandaj, ASH nëpërmjet deputetëve të saj, do ta mbështet në Kuvend të RM-së ratifikimin e marrëveshjes si dhe përkrahjen dhe votimin pro kësaj marrëveshje në rast referendumi.

Përveç tjerash, sekretari Taravari dhe deputeti Rashidi kërkuan nga delegacioni i BE-së që të ndikojnë pozitivisht në përcaktimin e datës për fillimin e negociatave të Maqedonisë me BE-në, sepse integrimi në strukturat euroatlantike, është përcaktim i qytetarëve të Maqedonisë dhe do hapte një kapitull të ri zhvillimor dhe demokratik, duke e rregulluar mirëqenien ekomomike te qytetarëve të saj.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP