Siri, ushtria vazhdon masakrat

Ushtria siriane vrau 17 persona, mes të cilëve fëmijë dhe gra në qytetin jugor të Deraa-s, në kufi me Jordaninë. Aktivistët thanë se bombardimet nisën pak pas lutjes së të premtes dhe i përcaktuan si “histerike”. 

Në shënjestër të sulmit ishte një lagje e banuar, një prej qendrave më aktive të rezistencës kundër regjimit të presidentit sirian, Bashar Al-Assad.

Observatori Sirian për të Drejtat e Njeriut raportoi se në të gjithë vendin të premten u vranë 44 civilë, gjysma e tyre në provincën e Homsit dhe pjesa tjetër në periferi të Damaskut. Raportoi gjithashtu edhe për 25 ushtarë të vrarë në pesë provinca të Sirisë.
Vëzhguesit e OKB-së vizituan Kubair-in ku u vranë 78 persona mes të cilëve fëmijë dhe gra. Sipas zëdhënëses së misionit monitorues të OKB-së, ata po përpiqen të hedhin dritë mbi rrethanat e kësaj ngjarje si dhe përcaktuan numrin e saktë të viktimave.

Gazetari i BBC-së Pol Danaher që shoqëroi vëzhguesit të premten në fshatin Kubair e përshkroi shokuese gjendjen në fshat. Ai raportoi për shkrumbimin e të gjitha shtëpive dhe erën e rëndë të trupave të djegur./Portalb