Rusia mirëpret takimin Trump-Kim

Zëdhënësi i Kremlinit, Dmitriy Peskov, thotë se kanë mirëpritur samitin e djeshëm në Singapor mes presidentit të SHBA-ve, Donald Trump dhe liderit të Koresë së Veriut, Kim Jong-un, transmeton Anadolu Agency (AA).

Peskov në një deklaratë tha se është mirëpritur dialogu i drejtpërdrejtë Trump-Kim.

“Çfarë do qofshin rezultatet, takimet e tilla kontribuojnë në eliminimin e tensioneve në gadishull dhe e largon gjendjen nga pika kritike ku ndodhej para disa muajsh. Kjo është e mirëpritur”, tha ai.

Zëdhënësi i Kremlinit vuri në dukje se pala ruse dhe presidenti i Rusisë, Vladimir Putin, ka theksuar se në samit është konfirmuar që rruga e vetme për zgjidhjen e problemit në Gadishullin Korean është dialogu i drejtpërdrejtë.

Peskov shtoi se nesër Putin do të takohet me kryetarin e Kuvendit të Lartë Popullor të Koresë së Veriut, Kim Yong Nam, i cili ndodhet në Moskë për të marrë pjesë në ceremoninë e hapjes së Kampionatit Botëror në Futboll.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP