MPJ e Kosovës: Maqedonia dhe Greqia arritën marrëveshje historike

Marrëveshja mes Maqedonisë dhe Greqisë për zgjidhjen e çështjes së emrit do t’i kontribuojë forcimit të paqes në rajon, thuhet në urimin e Ministrisë së Jashtme të Kosovës drejtuar dy kryeministrave Zoran Zaev dhe Alexis Cipras.

Në një komunikatë nga MPJ e Kosovës thuhet se Kosova e ka mirëpritur këtë marrëveshje historike në mes të Maqedonisë dhe Greqisë, transmeton REL.

“MPJ konsideron se arritja e kësaj marrëveshjeje historike është një dëshmi dhe shembull se kur ekziston vullneti, gatishmëria dhe lidershipi nëpërmjet diplomacisë, dialogut, respektit reciprok, mund të arrihen zgjidhje edhe për çështjet më të vështira”, thuhet në komunikatë.

Shkupi dhe Athina janë pajtuar të martën që Maqedonia e Veriut të jetë emri i ri i Maqedonisë.

Kjo marrëveshje, sipas kryeministrit të Maqedonisë, Zoran Zaev, zhbllokon procesin e integrimit të këtij vendi në NATO dhe BE dhe me këtë zgjidhet kontesti prej dy dekadash e gjysmë.

Marrëveshja mes dy shteteve pritet të nënshkruhet gjatë fundjavës në Prespë të Greqisë dhe më pas ajo do të ratifikohet nga kuvendet e të dyja shteteve.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP