City përgatit 100 milionë euro për Douglas Costan?

Manchester City është gati të ofrojë 100 milioën euro për anësorin e Juventusit, Douglas Costa – bën të ditur Sport Mediaset.

Pep Guardiola e dëshiron brazilianin në Etihad Stadium, pasi Manchester Unitedi ka dështuar që ta transferojë deri më tani, transmeton Telegrafi.

 (Foto: Getty Images)

Juve sapo e ka aktivizuar opsionin e blerjes së lojtarit nga Bayern Munichu për 40 milionë euro, ndërsa kishte paguar edhe gjashtë milionë euro të tjera për huazimin njëvjeçar.

 Në këtë mënyrë, 27-vjeçari ka kontratë me Zonjën e Vjetër deri në vitin 2022.

Në sezonin debutues në Serie A, braziliani shënoi gjashtë gola dhe dhuroi 14 asistime duke qenë njëri prej lojtarëve më të mirë në suksesin e dyfishtë të Juves.

 (Foto: Getty Images)

Në rast se City paguan vërtet 100 milionë euro për Costan, Bianconerët mund t’i shfrytëzojnë ato para për përforcimin e skuadrës.

Mesfushori i Lazios, Sergej Milinkovic-Savic, është një prej shënjestrave kryesore të Juventusit, ndërsa shërbimet e tij i kërkon edhe Manchester Unitedi.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP