Garancia e Ziadin Selës dhe e Krenar Llogas nuk mjafton për shpëtimin e Abdylfeta Alimin

Këshilli Penal e ka refuzuar garancinë e liderit të ASH-së Ziadin Sela për Abdylfeta Alimin i cili shpëtoi Selën më 27 prill të vitit kaluar. Bashkë më garancinë e Selës është hedh poshtë edhe garancia e zyrtarit të ASH-së, Krenar Lloga. Këshilli pranë Gjykatës Penale ka vlerësuar se garancia nuk mjafton për të liruar Alimin nga paraburgimi si i dyshuar për mos veprim në akuzën për cenim terrorist të rendit Kushtetues, transmeton Alsat M.

Alimi si garanci për të qenë afër familjes së tij ofroi shtëpinë ku jeton. Shtëpitë e tyre i ofruan edhe Sela dhe Lloga, ndërsa garanci për Alimin kanë ofruar edhe të afërmit e tij. Pas refuzimit, Alimi ka të drejtën e ankesës. Duke garantuar pasurinë, disa nga të akuzuarit për terrorizëm më 27 prill u liruan nga paraburgimi duke iu caktuar kështu masa kujdesi. Në mesin e të liruarve është edhe ish-drejtori i Byrosë së Sigurisë Publike, Mitko Çavkov, deputetët e VMRO-DPMNE-së dhe organizatorët e protestave.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP