“Rrjeti për arsimim mediatik” nesër prezanton tre projekte në ASHAAM

Më 7 qershor 2018, me fillim prej ora 12:00, në Agjencinë për Shërbime Audio dhe Audiovizuele do të mbahet takim ku do të prezantohet “Rrjeti për arsimim mediatik“.

Në takim do të paraqiten të tre projektet e Arsimimit Mediatik të cilat realizohen nga Fondacioni për Internet dhe Shoqëri “Metamorfozis”, “Eurothink”, “MIM” dhe “MOF”, me përkrahje financiare të Bashkimit Evropian.

Të tre projektet do të realizohen gjatë tre viteve të ardhshme, dhe me aktivitete do të tentojë të rrisë vetëdijen e opinionit për media profesionale dhe llogaridhënëse, pa lajme të rreme, propagandë dhe gjuhë të urrejtjes.

Këtë muaj, Rrjeti i Arsimimit Mediatik ka të hapur thirrjen për fitim të grandeve të organizatave joqeveritare dhe mediave, i publikuar nga “Metamorfozis” dhe “Eurothink”. Thirrja është e hapur deri më 6 korrik 2018.