Ish-komandanti mysliman i luftës në Bosnje përballet me rigjykim
Ish-komandanti mysliman i luftës në Bosnje, Naser Oriq, përballet me rigjykim për krime lufte, tha avokatja e tij, transmeton REL.
“Kemi marrë vendimin e gjykatës, i cili na informon se lirmi i Oriqit është anuluar, për shkak të shkeljeve serioze të procedurave penale”, tha Lejla Çoviq.
“Gjykata e Bosnje dhe Hercegovinës, me seli në Sarajevë, urdhëroi që Oriq, 51 vjeç, të rigjykohet”, tha Çoviq.
E kontaktuar nga agjencia e lajmeve AFP, gjykata e konfirmoi vendimin.
Oriq është liruar në tetor të vitit 2017 nga akuzat për krime lufte kundër serbëve, derisa ka qenë duke mbrojtur Srebrenicën – vendin e masakrës së 8 mijë burrave dhe djemve myslimanë.
Vendimi kishte nxitur zemërim tek udhëheqësit serbë dhe familjarët e viktimave, por ishte përshëndetur nga myslimanët e Bosnjës.
