VMRO-DPMNE nëpërmjet kumtesës përsëri kërkoi zgjedhje, qeveri teknike dhe kryetar të KSHZ-së
“Qytetarët e Republikës së Maqedonisë kanë dalë masivisht dhe i kanë treguar Zoran Zaevit dhe LSDM-së se janë kundër shitjes së interesave shtetërore dhe nacionale”, thuhet në kumtesën e VMRO-DPMNE-së, njofton Portalb.mk.
Prej atje shtojnë se qytetarët kanë porositur se është koha që t’i vihet fund, siç thonë ata, premtimeve të rrejshme, keqpërdorimeve të institucioneve dhe shkatërrimit të shtetit.
“Qytetarët e Maqedonisë kanë dërguar porosi deri te pushteti se nuk guxon edhe më tej shteti të zhytet, ekonomia të stagnojë, ndërkaq institucionet të jenë të robëruara”, thonë nga VMRO-DPMNE.
VMRO-DPMNE i përsërit kërkesat e saj, gjegjësisht kërkon zgjedhje të parakohshme bashkë me zgjedhjet presidenciale, qeveri teknike 100 ditë përpara zgjedhjeve dhe kryetar të KSHZ-së me propozim të opozitës.
