Lëndohet rëndë një shkupjane, është shkelur nga një automjet transportues
Në rrugën “Pero Nakov” dje rreth orës 9, një automjet transportues “Fiat Doblo” me targa të Strumicës e drejtuar nga D.I. (46) nga Strumica e ka goditur këmbësorin J.S. (54) nga Shkupi, njofton Portalb.mk.
E lënduara me veturë të Ndihmës së Shpejtë është dërguar në kompleksin e klinikave “Nënë Tereza”, ku nga ana e mjekut janë konstatuar lëndime të rënda trupore dhe është mbajtur për mjekim të mëtutjeshëm.
Në vendin e ngjarjes është kryer ekspertizë dhe po punohet për pastrimin e rastit.