Ndërruan jetë heroinat e Tanzanisë, motrat siameze Maria dhe Consolata
Binjaket siameze Maria dhe Consolata Mwakikuti nga Tanzania ndërruan jetë në moshën 21 vjeçare, raporton Anadolu Agency (AA).
Binjaket, që ishin të njohura si simbole të këmbënguljes dhe dashurisë, vdiqën mbrëmë në një spital të rajonit jugor të Tanzanisë, Iringa.
Zyrtari lokal Richard Kasesel tha se njëra nga motrat vdiq nga ataku në zemër disa orë para tjetrës.
Vitin e kaluar, Maria dhe Consolata u regjistruan në Universitetin Katolik- Ruan, gjë që shkaktoi entuziazëm të madh në opinionin e Tanzanisë dhe më gjerë.
