Çështja e emrit, Katimerini: Në tavolinë “Maqedonia e Veriut”

Derisa pritej një bisedë telefonike mes kryeministrave të Maqedonisë dhe Greqisë, Zaev dhe Cipras,  gazeta greke “Katimerini”, këtë mëngjes doli me titullin kryesor “Në tryezë propozimi i Maqedonisë Veriore”.

Teksti thekson se megjithëse në mesin e propozimeve të ndërmjetësit Nimic janë dy emra të tjerë të ndërlikuar, të cilat janë pjesë e paketës origjinale me pesë propozime, emri Republika e Maqedonisë Veriore qëndron si propozimi më serioz, transmeton Alsat M.

Teksti thekson deklaratën e Kryeministrit Zaev se një emër i mundshëm i ri, para se të shkojë në një referendum, do të vihet në votim në Parlament.

Katimerini pret që biseda telefonike midis dy kryeministrave të ndodhë “shumë shpejt”, e ndjekur nga një betejë mes dy vendeve, e cila do të organizohet përpara samitit të BE-së e planifikuar për në 28 qershor.

Ndryshe, emri i propozuar “Republika Ilinditase e Maqedonisë”, siç tha kryeministri Zoran Zaev dje duke iu përgjigjur pyetjes së deputetës Liljana Kuzmanovska, nuk është pranuar nga pala greke si dhe është refuzuar nga opozita e Maqedonisë.

Referendum në vjeshtë, Zaev nuk e zbulon përcaktuesin për emrin

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP