YouTube sjell funksionin e tij të mesazheve në internet

YouTube po sjell në internet tiparin e vet të mesazheve vetëm për celularë.Tani,kur je identifikuar në llogarinë tënde të Google dhe shfleton YouTube.com,mund të shpërndash dhe të flasësh për videot me miqtë tuaj në këtë faqe interneti.Mund të hyni në biseda nga ikona e flluskës së bisedës pranë ziles së njoftimeve në këndin e sipërm të djathtë, transmeton PCWorld Albanian.

Historitë e bisedave do të shfaqen në pjesën e poshtme në të majtë të ekranit dhe do t’ju lejojnë të vazhdoni biseda,ashtu si Hangouts në internet ose nga kutia e postës suaj në Gmail.Ju mund të shpërndani përmbajtjen në biseda private duke përdorur butonin e shpërndarjes në çdo video në YouTube dhe zgjidhni një kontakt (ose më shumë,nëse dëshironi të diskutoni në një grup).

Ashtu si shumë aplikacione të tjera të mesazheve,mund t’i lini përdoruesit të pëlqejnë një video ose mesazh në bisedë.

Kjo nuk do të ndryshojë mënyrën se si tashmë po shpërndahen dhe diskutohen videot e YouTube me miqtë,por nëse jeni një vëzhgues i rregullt në YouTube, ndoshta është më e përshtatshme që të keni dritaren direkte të bisedës brenda faqes sesa të kaloni nëpër aplikacione të tjera për të biseduar.