Sapo vendoset diagnoza e diabetit, diabetikët nuk duhet të konsumojnë aspak sheqer?

E vërteta është se prej shumë vitesh sheqernat janë akuzuar se rëndonin diabetin dhe veçanërisht sheqeri i pastër nuk duhej përdorur. Sot një gjë e tillë nuk është plotësisht e vërtetë, pasi këshillohet përdorimi i sheqernave nga diabetikët, por me masë, shkruan shendeti.com.al. Kuptohet që pakësimi i karbohidrateve në përgjithësi është i këshillueshëm, por nuk është e domosdoshme mospërdorimi dhe mënjanimi i plotë nga ushqyerja.

Shumë e rëndësishme është që diabetiku, nëpërmjet këshillimit me mjekun diabetolog, apo dietolog, të njohë parimisht nevojën dhe sasinë e sheqernave në ushqyerjen e tij. Në kushte normale organizmi ynë ka nevojë që rreth 50% e kalorazhit ditorë të plotësohet nga sheqernat. Le të përpiqemi të ilustrojmë këtë dukuri.

Nëqoftëse diabetiku do të ushqehet me proteina, zarzavate, produkte e nënprodukte të qumështit, si dhe fruta, ai ose ajo ka konsumuar më pak se 50% të nevojave ditore për sheqerna. Në këto kushte ai mund të shtojë dhe një akullore, një copë kek, tortë apo çokollatë. Problemi i vetëm është llogaritja e sasisë së tyre, të mos kalohet masa e përqindjes së sheqernave.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP