Arabia Saudite rrëzon një raketë të shkrepur nga Jemeni
Mbrojtja kundërajrore e Arabisë Saudite ka interceptuar një raketë, të shkrepur nga rebelët Huthi në Najran të Jemenit, transmeton Anadolu Agency (AA).
Mediat lokale raportojnë se një raketë balistike e shkrepur nga pozicionet e rebelëve të lëvizjes shiite Huthi në Jemen është shkatërruar nga sistemi anti-ajror.
Konfliktet në Jemen u ashpërsuan edhe më tej në mars të vitit 2015, kur Arabia Saudite dhe aleatët e saj filluan sulmet ajrore mbi pozicionet e kryengritësve dhe që atëherë Huthit kanë shkrepur 14 raketa.
Jemeni është skenë e një krize të thellë politike dhe të sigurisë që u përshkallëzua në luftë civile në fund të vitit 2014.
Lëvizja rebele Huthi kontrollon kryeqytetin Sana dhe disa rajone të tjera të rëndësishme të vendit ndërsa qeveria e njohur ndërkombëtarisht e Jemenit vepron nga qyteti port Aden.
