Sulm me autobombë në Libi, disa të vdekur

Në një sulm me autobombë në qytetin Bengazi të Libisë të paktën 6 civilë e kanë humbur jetën ndërsa më shumë se 20 të tjerë janë plagosur, raporton Anadolu Agency (AA).

Zëdhënësi i Njësisë qendrore policore për sigurinë në Bengazi, pranë Kuvendit të Përfaqësuesve me qendër në Tobruk, Tarik el-Harraz në një deklaratë për AA tha se në një sulm me autobombë në lagjen Xhemal në qendër të Bengazit e kanë humbur jetën të paktën 6 civilë, në mesin e tyre edhe një fëmijë ndërsa 20 të tjerë janë plagosur.

Ai bëri të ditur se sulmi është kryer në afërsi të Panairit të Industrisë së Arteve Siriane të organizuar nga një delegacion. “Organizatat terroriste të cilat kanë marrë përgjegjësinë e sulmit, dëshirojnë që botës t’i japin mesazhin se Bengazi nuk është vend i sigurtë. Vazhdojnë hetimet lidhur me rastin”, tha ai.

Ende askush nuk e ka marrë përgjegjësinë për sulmin.

Lajme të ngjashme

Leave a Reply

Your email address will not be published. Required fields are marked *

Back to top button