Në Klubin e Gazetarëve, nesër prezantohet raporti i tretë periodik për reformat në media

Nesër në ora 11:00m në Klubin e Gazetarëve do të prezantohet raporti i tretë periodik në korniza të projektit, “Observator i reformave në media”, të cilin e zbaton Fondacioni për Internet dhe Shoqëri “Metamorfozis”, Qendra për promovim të vlerave qytetare “Agora” dhe Platforma për Gazetari Hulumtuese dhe Analiza.

Ky raport periodik do t’i prezantojë rezultatet nga vëzhgimi i plotësimit të Reformave Urgjente Prioritare, të cilat kanë të bëjnë me lirinë e shprehjes, në periudhën prej 1 janari deri më 31 mars të këtij viti.

Observatori i reformave mediatike, rezultatet i prezanton në formë të raporteve periodike, lajmeve dhe storjeve hulumtuese për kyçje më të madhe të qytetarëve të Republikës së Maqedonisë në proceset demokratike.

Lëndë e vëzhgimit janë katër fushat e reformave urgjente prioritare – transmetuesi publik (RTVM), reklamimi qeveritar, qasja deri te informatat dhe ofendimi dhe shpifja.

Të gjitha rezultatet mund t’i shihni në gjuhën maqedonase dhe shqipe në ueb-faqen Mediaobservatorium.mk.

Ndryshe, në raportin e dytë, për periudhën deri më 31 dhjetor të vitit të kaluar ishte konstatuar se reformat në fushën e mediave rrjedhin, por me ritëm dhe kualitet të ndryshëm në sektorë të ndryshme dhe janë konstatuar gjetjet kyçe: reformat në transmetuesin publik – kanë filluar, por nuk kanë mbaruar; reklama qeveritare – pjesërisht janë plotësuar; qasja deri te informatat me karakter publik – pjesërisht janë plotësuar; ofendim dhe shpifje – plotësisht e paplotësuar.

 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP