Shkëndija me fitore mbylli kampionatin, festë e madhe në sheshin e Tetovës (VIDEO)

Shkëndija e Tetovës e mbylli me fitore kampionatin në Maqedoni, ku kishte javë që ishte shpallur kampione.

Në ndeshjen e fundit, tetovarët fituan pastër 4-0 ndaj Pelisterit. Golat u shënuan nga Alimi në pjesën e parë, më pas Xhunior dhe dopjeta e Ferhan Hasanit.

Pas 36 takimesh, Shkëndija e mbylli me 29 fitore, 4 barazime dhe vetëm 3 humbje, me 91 pikë në total, plot 35 më shumë se Vardari i vendit të dytë.

Performanca e shkëlqyer e Shkëndijës, përkthehet edhe tek golat e shënuar, plot 101, dhe vetëm 27 të pësuar në këto 36 javë kampionati.

Pas ndeshjes me Pelisterin në xhiron e fundit të Ligës së Parë të futbollit të Maqedonisë pranoi titullin e kampionit për sezonin garues 2017/18. Festa nisi nga stadiumi, ndërsa pas iftarit u “shpërngul” në sheshin e Tetovës, ku kryesia e “kuqezinjëve” kishte përgatitur një koncert me yje të estradës shqiptare si Elita 5, MC Kresha, Lyrical Son, Katriot Tusha, S4MM, Xhevdet Jashari e shumë të tjerë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP