Kongo do të nisë vaksiminet kundër virusit Ebola

Punëtorët shëndetësorë në Republikën Demokratike të Kongos do të nisin të hënën fushatën e vaksimit, pas shqetësimit se mund të ketë shpërthim të virusit Ebola, ka njoftuar zëdhënësja e Ministrisë së Shëndetësisë.

Zëdhënësja, Jessica Ilunga ka thënë se 4 mijë doza të vaksinave janë dërguar në qytetin Mbandaka, ku javën e kaluar janë regjistruar rastet e para me virusin Ebola, njofton REL.

Rastet me Ebola në Mbandaka kanë rritur shqetësimet se virusi mund të përhapet edhe në kryeqytetin Kinshasa, ku jetojnë 10 milionë banorë.

Organizata Botërore e Shëndetësisë ka dërguar 7,540 doza të vaksinave në Kongo.

Zëdhënësi i Qeverisë ka thënë se shtetet partnere kanë premtuar se do të dërgojnë në total 300 mijë vaksina kundër virusit Ebola.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP