Intelektualët bllokuan qytetin e Gjilanit, i kanë vetëm 100 bileta por mijëra tifozë kanë mbërritur në orët e para të mëngjesit në Pejë

Në qytetin e Gjilanit tema kryesore është klubi i futbollit Drita.

Tifozët e kësaj skuadre të madhe kosovare po jetojnë një ëndërr të bukur pasi po presin skuadrën e tyre ta rikthejë titullin në qytet pas 15 viteve pritje, transmeton Telegrafi.

Dritës i mjafton një barazim apo humbje minimale ndaj Prishtinës për ta festuar titullin e dytë në histori.

Një natë para ndeshjes tifozët e Dritës, Intelektualët kanë mbajtur një mbledhje në stadiumin e qytetit.

Të pranishëm ishin mijëra tifozë që dhuruan spektakël në tribuna por jo vetëm kaq.

Intelektualët në kortezh vazhduan nëpër rrugët e qytetit me këngë dhe brohoritje për Dritën.

Qyteti ishte bllokuar tërësisht ndërsa Intelektualët kanë dhuruar spektakël.

Për ndeshjen e sotme tifozët gjilanas kanë vetëm 100 bileta dhe nuk mund më shumë të futën në stadium.

Kjo nuk i ka ndaluar që ata të marrin rrugë për qytetin e Pejës një natë më herët.

Mijëra tifozë nga Gjilani kanë udhëtuar drejt Pejës menjëherë pas mbledhjes së tyre duke qenë përkrah skuadrës.

Ndërkohë tifozët me 100 bileta që do të kenë të sigurt një vend në stadium do të nisën pas orës 12 nga Gjilani.

Një gjë është e sigurt, do të ketë spektakël në stadiumin ‘Shahin Haxhiislami’, nga Intelektualët dhe Plisat.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP