Bje shi

Bje shi
 
Bje shi, Adrianë,
Bje shi i qetë mbi qytet,
Shi që më bluan e më vret, 
Dhe s’di se ku të shkoj nëpër Tiranë!
 
Të kërkoj, Adrianë
Me ankth nëpër qytetin e shkretë,
Kur shtrydhen retë
Dhe dielli s’lind e s’perëndon
Përmbi Tiranë!
 
O sa cudi, Adrianë
Të duash të mos jesh njeri,
Dhe gurëve t’u kesh zili,-
Se gurët s’vuajn’ kur bje shi
Përmbi Tiranë!

Mitrush Kuteli

Lajme të ngjashme

Back to top button